"Спортинг" "Манчестер Сити" ўйинчисини харид қиладиган бўлди
06 мая 2022 16:35
Новости

"Спортинг" "Манчестер Сити" ўйинчисини харид қиладиган бўлди

Лиссабоннинг "Спортинг" клуби "Манчестер Сити"дан ижарага олинган ҳимоячи Педро Поррони харид қилади.

Журналист Фабрицио Романонинг хабарига кўра, Португалия клуби харид қилиш бандини фаоллаштирди ва ушбу ойнинг сўнггига қадар расмий маълумот беради. "Спортинг" 22 ёшли испаниялик футболчи билан уч йиллик шартнома имзолайди, битимда 45 миллион евро миқдоридаги товон пули банди бўлади.

"Манчестер Сити" футболчи учун 8,5 млн евро олади, шунингдек Англия клубида ўйинчини 20 млн еврога қайта харид қилиш ҳуқуқи бўлади.

"Спортинг" Поррони "Манчестер Сити"дан 2020 йилнинг августида ижарага олганди. Футболчи 2021/22 йилги мавсум Португалия жамоаси таркибида 33та ўйинда майдонга тушиб, 4та гол ва 7та ассист қайд этди.

Ссылка :

Источник : twitter.com/FabrizioRomano

Получайте новости прямо в Telegram!

Рейтинг: +2