"Спартак" ярим ҳимоячиси фаолиятини Қатар клубида давом эттиришга яқин
22 июл 2019 12:51
Новости

"Спартак" ярим ҳимоячиси фаолиятини Қатар клубида давом эттиришга яқин

Москванинг "Спартак" клуби ярим ҳимоячиси Софиан Ханни Қатар клубларидан бирига ўтишга яқин.

28 ёшли футболчи янги клубида тиббий кўрикдан ўтиш учун Дохага ташриф буюрди. Ҳозирча бу клубнинг номи маълум эмас.

Ханни фаолиятини "Нант"да бошлаган ва шу клуб тарбияланувчиси ҳисобланади. У "Спартак"га қадар "Кайсери Эрджиесспор", "Османлиспор", "Мехелен" ва "Андерлехт" каби клубларда ўйнаган.

Ярим ҳимоячи 2016 йилдан буён Жазоир терма жамоаси шарафини ҳимоя қилади.

Футболчи 2016/2017 йилда Белгия чемпионига айланган эди.