"Сўғдиёна" — АГМК: превью

Ўзаро ўйинлар тарихи ҳақида

— Мазкур жамоалар тўқнашувлари тарихига эътибор қаратсак, бўлажак ўйин "Сўғдиёна" ва АГМК ўртасидаги 25-учрашувга айланади. Қайд этилган натижалар кўрсаткичи жиззахликлар фойдасида. Ўтказилган беллашувларнинг 8тасида АГМК ғалаба қозонган бўлса, "Сўғдиёна" ҳисобида 9 ғалаба мавжуд. Қолган 7 ўйинда эса дуранг қайд этилган. Тўплар нисбати кўрсаткичи эса АГМК фойдасида: 37-33.

Рақиб ҳақида

— "Сўғдиёна" айни пайтда 12 ўйиндан 23 очко тўплаган ҳолда жадвалда 3-ўринни эгаллаб турибди. Улуғбек Бақоев жамоаси жорий мавсум фақатгина "Насаф"га мағлуб бўлди. "Сўғдиёна" Жиззахда жорий йил мағлубиятсиз серияни давом эттирмоқда. Жамоа ўтказилган 5 учрашувда 3 ғалаба ва 2 дуранг қайд этган.

АГМКнинг турнир жадвалидаги ҳолати ҳақида

— АГМК биринчи даврани барқарор ўтказмоқда. Жиззахдаги ўйин давра доирасидаги охирги ўйин бўлади. Айни пайтда жамоа ҳисобида 25 очко мавжуд ва мусобақа жадвалида 2-ўринни эгаллаб турибди.

Тайёргарлик ҳақида

— АГМК юзага келган танаффусдан унумли фойдаланиб, мавсумнинг иккинчи қисмига Чимён тоғ-ён бағридаги "Арчазор" комплексида тайёргарликнинг дастлабки босқичини ўтказди. Кейинчалик жамоа Олмалиқда тўпланиб, иккинчи давра ўйинлари ва хусусан "Сўғдиёна" билан ўйинга тараддуд кўрди. Йиғин доирасида жамоа "Андижон"га қарши назорат баҳсини ўтказиб, унда ғалаба қозонди. Миржалол Қосимов бошчилигидаги жамоа Жиззахдаги бўлажак ўйинга жиддий тайёргарлик кўрмоқда.

Хуштак эгаси

— Бўлажак баҳсни бошқариш тажрибали рефери Ильгиз Танташев гарданига тушди. Мазкур тайинлов Ильгиз Танташев учун АГМК иштирокидаги 24-баҳсга айланади. Ильгиз Танташев бошқарган ўйинларда АГМК: 10 ғалаба, 8 дуранг ва 5 мағлубият қайд этган.

Эслатиб ўтамиз, Суперлиганинг 13-тури доирасидаги "Сўғдиёна"га қарши ўйин 31 июль куни Жиззах шаҳридаги "Марказий" стадионда соат 20:00да бошланади. Ўйин карантин талабларига мувофиқ мухлисларсиз ўтказилади.


Суперлига, 13-тур.
31 июль, шанба.
"Сўғдиёна" — АГМК
Ҳакамлар: Илгиз Танташев, Андрей Цапенко, Тимур Гайнулин, Найим Қосимов
Назоратчи: Бобур Ҳайдаров
Комиссар: Шоҳруҳ Саид

Согдиана

Суперлига. Тур 13 31/07/2021, 20:00 0 : 0 Завершен

OKMK

45'

90'

45'  Элер Орифов

46'  Элер Орифов (Эргаш Исмаилов)

70'  Жавохир Кахрамонов (Сахоб Рашидов)

75'  Искандар Шайкулов

84'  Искандар Шайкулов (Дарко Станоевич)

86'  Джасур Хасанов О (Даниэл Насриддинов)

69'  Санжар Шоахмедов (Миржамол Касымов)

69'  Ҳусниддин Гафуров (Йован Жокич)

82'  Александр Касьян (Зафар Палванов)

82'  Дильшод Джураев (Мартин Боаке)

90'  Санжар Турсунов (Нодир Абдураззаков)

Открыть в Матч-Центре