Симеоне: “Атлетико”чемпионликка қодир”

“Баъзида биз ғалабага эришамиз, айрим пайтларда эса ютқазамиз. “Барса” билан сўнгги ўйинларда ғалабага кўпроқ биз яқин эдик. Жамоамнинг ўйинидан мамнунман. Футболчиларим ҳимояда ҳам, ҳужумда ҳам қандай ҳаракат қилишлари кераклигини тушуниб ўйнашди. Бизда гол уриш учун яхши имкониятлар бўлди. Масалан Льоренте ўйин бошидаёқ ҳисобни очиши мумкин эди.

Урилган голдан кейин биз хотиржамлик билан ҳаракат қилдик ва иккинчи голни уришга уриндик. Шунга қарамай “Барселона”да ҳар доим ғалаба қозониш учун имконият бўлади.

Мен анча вақтдан буён бу ҳақда гапириб келаяпман: таркибимизда ажойиб футболчилар йиғилган ва улар мухлислар орзусини амалга ошира олишга қодир. Биз ўз ғояларимизни амалда тадбиқ қила олаяпмиз ва бу жудаям яхши ҳолат”, дея Симеоненинг сўзларидан иқтибос келтирмоқда AS нашри.