Шуҳрат Қурбонов: "Натижани ҳисобга олмаганда ўйинимиздан қониқдим"

Ўйин ҳақида

- Ўйин тенг курашлар остида ўтди. "Хоразм"да ҳам, бизда ҳам вазиятлар бўлди. Яна стандартдан гол ўтказиб юбордик. Қизил карточка ҳам бўлиб қолди.

- Натижани ҳисобга олмаганда жамоа ўйинидан қониқдингизми?

- Қайсидир вазиятларда шунақа деса бўлади. Биринчи турдан бошлаб йигитлар ҳаракат қилмоқда. Турли услубларни қўллаб кўраяпмиз. Натижани ҳисобга олмаганда бугунги ўйинимиздан қониқиш ҳосил қилдим.

- Даврон Умиров кўрсатган ўйин ҳақида муносабатингиз?

- Тажрибали футболчи. Ўз даражасида ўйин намойиш этиб беришга ҳаракат қилаяпти.

- "Дўстлик" лойиҳасини мақсади қандай?

- Мақсадимиз улкан, келгусида терма жамоаларга футболчи етказиб беришни ўз олдимизга вазифа қилиб қўйганмиз. "Дўстлик" ташкил этилганига бир йилдан ошди, лойиҳа келгусида давомли бўлишига ҳаракат қиламиз.