“Шўртан”да нима гап? Алиқулов жамоада қоладими?

ПРО-Лига жамоалари ҳам аста-секин ўз имкониятидан келиб чиққан холда, ўқув-йиғин машғулотларига киришмоқда. Ўтган мавсум “Шўртан” жамоаси ПРО-Лигада муносиб иштирок этиб, кўпчиликни эътиборини тортганди. Аммо шунга қарамай ғузорликлар ҳамон тайёргарликни бошлагани йўқ. Бош мураббий Асрор Алиқулов билан боғланганимизда, режага кўра “Шўртан” 15 январдан йиғинга киришиши керак эди. Аммо айрим сабабларга кўра, йиғин номаълум муддатга қолдирилиб турганини таъкидлаб ўтди.

Шунингдек Асрор Чориевичдан, ўзининг жамоадаги кейинги тақдири ҳақида сўраганимизда, “Шўртан”да қолишини яширмади. Маълумки, “Шўртан” клуби қарздорлик масаласини тўлиқлигича ёпмагани сабабли, ФИФА томонидан трансфер ойналарида таъқиқ қўйилган. Шунинг учун бош мураббий бу йил ҳам асосий таркибнинг ўзагини сақлаб қолишни ва уларнинг қаторига ёшлар жамоасидан ўйинчиларни жалб этишни режалаштираётганини айтди.