“Шўртан” футбол академиясида битирув кечаси бўлиб ўтди

Бугун “Шўртан” футбол мактабида навбатдаги 2006 йилда таваллуд топган ёш иқтидорлар футбол академиямизни битиришди.

 Битирув кечасида тарбияланувчиларнинг ота-оналари, уларнинг мураббийлари ва клубимиз раҳбарияти иштирок этишди. Тадбирни жамоамиз бош менежери Шамил Самигулович Ярулин очиб бердилар ва битирувчиларнинг кейинги фаолиятларига омад тиладилар. Маросим давомида Ғузор “Марказий” ўйингоҳи директори Искандар Бўриев ҳам “қалдирғочлар”га омад тилади. Тадбир сўнгида Шуҳрат Файзиев мураббийлигидаги 2006 йилда таваллуд топган тарбияланувчиларга “Шўртан” футбол академиясини тугатганликлари тўғрисида гувоҳнома ва эсдалик совғалар топширилди.

Футбол академиямизда яна бир янгиликка қўл урилди. Академиямизда нафақат ўғил болалар балки қизлар ҳам чарм тўп сирларини ўрганишмоқда. Бугун 16 ёшдаги қизларимиз ҳам футбол академиямизни тамомлашди. Уларга ҳам гувоҳнома ва эсдалик совғалар топширилди.

Жамоамиз раҳбарияти ўз тенгқурларига ҳар томонлама ўрнак бўлган битирувчиларнинг ота-оналарига ҳам ҳам клубимиз ташаккурномаларини тақдим этишди.