Шомуродов: "Биз учун оғир кеча бўлди"
09 сен 2022 13:11
Новости

Шомуродов: "Биз учун оғир кеча бўлди"

Кеча "Рома" Европа Лигаси 1-турида "Лудогорец" меҳмони бўлиб, мағлубиятга учради (1:2).

Ҳужумчи Элдор Шомуродов захирадан ўйинга қўшилиб, ҳисобни тенглаштирувчи голни урди. Болгариядаги оғир кечадан сўнг клуб матбуот хизмати ҳамюртимиздан интервью олди.

"Бу биз учун оғир кеча бўлди. Айниқса, майдон ҳолати яхши эмаслигини айтиб ўтишим лозим. Бироқ бу ўзини оқлаш бўлиб қолмаслиги керак.
Биз бундай ўйинларда ҳамиша ғолиб чиқишимиз жоиз. Ҳаммасини тўғрилаш учун вақт етарли.
Бугунги ўйин ниҳоясига етди. Биз "Эмполи"га қарши бўлажак баҳс ҳақида ўйлашимиз керак, чунки вақт оз қолди. Биз 3 кундан сўнг яна ўйин ўтказамиз", – деди форвард.

Эслатиб ўтамиз, "Эмполи" – "Рома" учрашуви 12 сентябрь куни Тошкент вақти билан 23:45 да бошланади.

⚡️ Шомуродов Европа Лигаси финал раундида гол урган нечанчи ўзбекистонлик?

Ссылка :

Источник : romapress.net

Получайте новости прямо в Telegram!

Рейтинг: +23