Шенсни "Барселона"да биринчи марта мағлубиятга учради
06 окт 19:16
Новости
Шенсни "Барселона"да биринчи марта мағлубиятга учради
Польшалик кипер Войцех Шенсни "Барселона" сафида ўзи учун 17-ўйинда мағлубият аламини тотиб кўрди.
Кеча, 5 октябрь санасида, кўк-анорранглилар чемпионат 8-тури доирасида "Севилья"га имкониятни бой берди (1:4).
Шенсни учун баҳс бу мавсум Ла Лигадаги иккинчи ўйин бўлди. "Барселона" аввалроқ Войцех билан "Реал Сосьедад" (2:1) устидан ғалаба қозонганди. Испания чемпионатидаги дебют мавсумида дарвозабон 15 ўйинда иштирок этиб, 14 ғалаба ва 1 дуранг қайд этганди.
Шенсни "Барселона" сафига 2024 йил октябрь ойида келиб қўшилганди. Ўтган вақт давомида у барча мусобақаларни инобатга олганда 33 ўйинда майдонга тушган ва 14 бор дарвозасидан гол ўтказмаган. "Transfermarkt" портали маълумотига кўра, польшалик трансфер нархи 1 млн. еврони ташкил қилади.
Июль ойи аввалида 35 ёшли посбон клуб билан шартномасини 2027 йилгача узайтирганди.
Похожие новости
championat.asia
Ла Лига. "Реал" ўз уйида "Сельта"га мағлуб бўлди, Гарсия ва Кассерас қизил карточка олди
Месси ўз рекордини янгилашда давом этмоқда
ЕЧЛ. Дастлаб гол ўтказиб юборган "Барселона" якунда "Айнтрахт"ни мағлубиятга учратди
Алонсо кечаги мағлубиятдан сўнг ҳакамни кескин танқид қилди
Комментарии