Шаҳбоз Беғамов: "Яхшибоевга Бельгиянинг 10 карра чемпиони қизиқмоқда"
17 июн 2020 16:09
Новости

Шаҳбоз Беғамов: "Яхшибоевга Бельгиянинг 10 карра чемпиони қизиқмоқда"

Беларусь мамлакатида ўйнаётган ўзбекистонлик футболчи кучлироқ чемпионатга ўтиши мумкин.

"Жасур Яхшибоевга Бельгиянинг "Стандард" жамоаси жиддий қизиқмоқда. Клуб "Пахтакор"га трансфер масаласи бўйича расман сўров юборган ва Яхшибоевнинг трансфер қийматини қанча баҳоланишини сўраган", - деб ёзади Шаҳбоз Беғамов телеграмдаги ўз каналида.

Маълумот учун, ўз мамлакатининг 10 карра чемпиони "Стандард" клуби бу мавсум Бельгия чемпионатида 5-ўринни эгаллади ва кейинги мавсум Европа лигаси саралаш босқичида иштирок этиш ҳуқуқини қўлга киритди. Бельгия чемпионати коронавирус пандемияси туфайли муддатидан аввал якунланган эди.

Айни пайтда Яхшибоев ижара асосида "Энергетик-БГУ" клубида ўйнамоқда. 13та турдан кейин "Энергетик" 22 очко билан 5-ўринда бормоқда. Ҳамюртимиз ҳозирга қадар 7та гол уриб тўпурарлар пойгасида биринчи ўринда бормоқда.