Сергей Лушчан: “Жамоада ўзгаришлар бўлади”

Ўйиндан сўнг “Сўғдиёна” жамоаси бош мураббийи Сергей Лушчан ва учрашувнинг энг яхши футболчиси деб топилган Элёр Орифовлар матбуот анжуманида иштирок этишди.

- Бугун ҳақли равишда мағлуб бўлдик. “Қизилқум” жамоасини табриклайман. Бугун майдонда фақат бир жамоа футбол ўйнади. Рақиблар вазиятлардан унумли фойдаланишди. Иккита хато голга айланди. Жамоа бугун футбол намойиш этмади. Қайсидир вазиятларни вазият деб ҳам бўлмайди. Трансфер ойнаси очилиши билан жамоада катта ўзгаришларни амалга оширамиз, - деди Сергей Иванович.

- Қизиқарли ва мухлисларбоб ўйин бўлди. “Қизилқум” ғалабани кўпрок хоҳлаган экан, мана ниятига етди. Рақибларни табриклайман. Йўл қўйган икки хатоимиз гол билан тугади. Танаффусда кейинги ўйинларга яхшироқ тайёргарлик кўрамиз ва янада кучли бўлиб қайтишга ҳаракат қиламиз, - деди Элёр Орифов.

“Сўғдиёна” ПФК матбуот хизмати