Сергей Ковшов: "3:0дан кейин бўшашдик"

"Бугун олдимизда 3 очко олиш вазифаси қўйилганди. Бу жуда муҳим эди, чиройли ўйин кўрсатиш эмас айнан ғалаба зарур эди. Мусобақаги  ўрнимиздан келиб чиқсак бу жуда ҳам керакли ғалаба бўлди. Ҳисобни 3:0 қилиб олгач жамоамиз анча бўшашиб кетди. Рақиб сафида Холиқов, Ваҳобов каби тажрибали футболчилар бор. Шукурки, ғалабали ҳисобни сақлаб қола олдик.

Бугун учала алмаштиришни ҳам мажбурий равишда қилдим, барчаси кичик жароҳатлар туфайли бўлди. Кўпчилик бугун чарчаб қолди, 90 дақиқага етиб бора олишмади. Сабаби футболчилар ўтган ҳафта давомида катта жисмоний юкламаларни қабул қилишди.

Абдумалик Абдуллаев айнан мени қўл остимда илк бор ўйинларни ўтказганди. У менинг шогирдим, кейинги ўйинларда балки у асосий таркибда ҳам тушар. Абдумалик жамоага фойда келтира олади.

Ёшлар жамоасида 1998, 1999 йилда туғилган футболчилар ўйнашмоқда. Аммо ишлар тўғри йўлга қўйилганида 1994 йилда туғилган футболчи ёшлар ўйнашлари керак.

Бугун илк бор бош мураббий сифатида ўйинни кузатдим, бугун энг яхши ўйинимизни кўрсатмадик, ҳали янада кучая оламиз", - дейди Сергей Ковшов. 

Исломбек Рустамбеков ёзиб олди