Санжар Турсунов Срнани "Apple" логотипига ўхшатиб қўйди

ua.tribuna.com сайти ходимлари учрашув ҳақида мақола тайёрлашди. Унда ҳамюртимиз Санжар Турсунов томонига илиқ сўзлар билдирилган.

"Энди биз Турсунов фақатгина ажойиб россиялик теннисчи эмас, «Ворскла»нинг тезкор ярим ҳимоячиси эканлигини биламиз.

У кеча агар Дарио Срнани "еб қўймаган" бўлса камида юлдузли хорватни "Apple" логотипига ўхшатиб қўйди.

Дастлабки дақиқаларда Дарио тўпни қанотдан жарима майдонига оширишга уринди ва уч бор Санжарни алдади, эътиборлиси учала сафар ҳам Турсунов бу ҳаракатларга мос қаршилик қилди. Срна тўпни оширган вақтда эса ўзбекистонлик футболчи тўпни қайтарди. Ўзбек ажойиб ўйнади, шу боис ҳам Срна иккинчи бўлимда у қадар ҳам кўп олдинга ўтмади. Сабаби Турсунов қарши ҳужумга ўтиб кетиш хавфи жуда юқори эди", - деб ёзилади ua.tribuna.com сайтидаги мақолада.