Санжар Шоаҳмедов: "Абрамов бизни ўйинга руҳан яхши тайёрлай олди"
09 апр 2015 12:44
Новости

Санжар Шоаҳмедов: "Абрамов бизни ўйинга руҳан яхши тайёрлай олди"

ОЧЛ 4-тур доирасидаги "Локомотив" - "Ал Садд" (5:0) учрашувидан сўнг микст-зонада "темирйўлчилар" футболчиси Санжар Шоаҳмедовнинг ўйин ҳақидаги фикрлари билан қизиқдик.

"Олдинги ўйинда йирик мағлубиятга учрагандик. Жавоб баҳсида ўша мағлубият учун мухлислар олдида ғалаба қозонишимиз шарт эди ва буни уддаладик. Ишқибозлар олдида юзимиз ёруғ бўлди. Учрашувдан олдин Вадим Абрамов бизни ўйинга руҳан жуда яхши тайёрлай олди ва бу баҳсда ўзимиз кўзлаган мақсадга эришдик. Йирик ҳисобдаги ғалабани кутганмидим? Футболда ҳаракат қилса ҳар қандай ҳисобда ғалаба қозониш мумкин. Ҳаммаси ҳаракатга боғлиқ", - дея ўйин ҳақидаги фикрлари билан ўртоқлашди Санжар Шоаҳмедов.

Эслатиб ўтамиз, Санжар Шоаҳмедов ушбу беллашувда жамоасининг учинчи голига муаллифлик қилди.

Шаҳбоз Беғамов суҳбатлашди.

Ссылка :

Источник : championat.asia

Получайте новости прямо в Telegram!

Рейтинг: