Санжар Шоаҳмедов: “Биз бекордан бекорга шу босқичгача етиб келмадик”

“Ал–Айн”га қарши жиддий тайёргарлик ўтказдик. Кўпроқ жисмоний ҳолатга эътибор қаратдик. Баъзида 2 маҳаллдан машғулотлар ўтказдик. Чемпионатимизнинг иккинчи даврасида “Ал–Айн”гача 5 та ўйин ўтказдик. Шуни ўзи ҳам биз учун катта тайёргарлик бўлди. Мураббийларимиз бизни ушбу баҳсга жиддий тайёрлади. Насиб қилса сафардан яхши натижа билан қайтамиз. “Ал–Айн”ни 2,3 та ўйинлари ёзилган видео лавҳасини кўриб, ўрганиб чиқдик.

Мураббийларимиз бизга рақибимизни қайси томони кучли қайси томони кучсиз, шуларни тушунтирди. Уларда чемпионат ҳали бошланмаган. Бизда эса чемпионатимиз айни қизғин паллада. “Ал–Айн” фақат ўртоқлик учрашувларини ўтказишди. Ўртоқлик ўйини билан расмий учрашувларни фарқи катта. Балки улар ҳам бизга қарши жиддий тайёргарлик кўришгандир. “Ал–Айн” ҳам кучли жамоа. 23 августь куни яхши натижа қайд этамиз деган умиддаман. Сафардан дуранг натижа билан қайтиш ёмон натижа эмас. Лекин иложи борича 3 очко билан қайтишга интиламиз. Рақиб жамоада у футболчи ўйнар экан, у кучли экан дегандан кўра футболни йиғиштириб қўйган яхши. “Ал–Айн”га қарши ким майдонга тушса ҳам ҳайиқмаган ҳолда ўйнайди. Биз ҳеч бир жамоадан чўчимаймиз. Жамоадаги барча йигитлар ҳар қандай жамоага қарши бир хил ўйин кўрсатади. Биз бекордан бекорга шу босқичгача етиб келмадик. Балки улар ҳам биздан чўчишаётгандир. Насиб қилса сафардан ғалаба билан қайтамиз”, - дейди “Локомотив” клуби ярим ҳимоячиси Санжар Шоаҳмедов.

Жаҳонгир Сотволдиев