Самюэль Это'Онинг қизи отасини қаматмоқчи

 “У қизига 5 йилдан ортиқ вақт мобайнида алимент тўламасдан, адолатни менсимасликда давом этмоқда. Эриканинг молиявий аҳволи жуда ёмон, Это'О эса ҳашаматда яшайди”, — деди  Самюэль Это'Онинг қизининг адвокати.

Адвокат, шунингдек,  Это'Онинг барча жиноий ишларини ҳисобга олсак, Камерун футбол федерацияси президенти бўлиши нормал ҳолат эмаслигини маълум қилди. Собиқ футболчи Испанияда солиқ тўлашдан бўйин товлаганликда ва яна бир қизига алимент тўламаганликда айбдор деб топилган.

2022 йил февраль ойида камерунлик тўрт йиллик суд жараёнидан сўнг Эрикани ўзининг қизи деб тан олди. Суд  Это'Ога ойига 1400 эвро миқдорида алимент тўлаш мажбуриятини юклаганди.