RU

Последние новости

17:53Миржалол Қосимов: "Мавсумни ғалаба билан тугатиш яхши"  0 17:53"Вест Хэм" — "Ливерпуль". Таркиблар маълум  0 17:45Отабек Нарзуллаев: "Уй ўйинларимизни Муборакда ўтказганимизда кўпроқ очко олардик"  0 17:29Суперлигада қолиш учун қайси клублар кураш олиб бориши маълум  11 17:26Виталий Левченко: "Кейинги мавсумда Фарғонада қолишим ёки қолмаслигимни билмайман"  4 17:10Суперлига. "Нефтчи" сафарда ютқазди, "Андижон" Тошкентда ғолиб бўлди ва қолган натижалар   38 16:34"ЎФФ Президенти кубоги" мусобақасида 3-тур учрашувлари ўтказилди  0 15:57"Кристал Пэлас" — "Манчестер Юнайтед". Таркиблар маълум  2 15:26Рафинья "Барселона"ни АПЛ клубига алмаштириши мумкин  4 14:42Симеоне Серлотнинг "Атлетико"дан кетиши мумкинлиги ҳақида гапирди  0 13:32Вальвердега яна бир АПЛ даъвогари пайдо бўлди  4 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  6 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  5

Самвел Бабаян: "Турнир жадвалида мухлисларимизни хурсанд қиладиган ўриндамиз" Новости

Самвел Бабаян: "Турнир жадвалида мухлисларимизни хурсанд қиладиган ўриндамиз"

Coca Cola Суперлигасининг 13-туридан ўрин олган АГМК — "Навбаҳор" учрашувидан сўнг ўтказилган матбуот анжуманида меҳмонлар устози Самвел Бабаян қатнашди.


- Ўйин ҳақидаги фикрларингиз қандай?

- Биринчи навбатда "Навбаҳор" мухлисларини табрикламоқчиман. Бундан ташқари футболчиларимни ҳам қутлаш ниятидаман. Улар ҳақиқий профессионал эканликларини бугун кўрсатишди. Майдонда ҳақиқий жанг кечди. Сабаби, ғалаба икки жамоа учун жуда муҳим эди. Менимча, бу ўйин шу пайтга қадар чемпионатдаги энг қизиқарли учрашув бўлди. Рақиб кўрсатган ўйинни ҳам алоҳида таъкидлаб ўтиш жоиз. Улар бизга муаммо яратишди. Аммо бугун ўйин ташкил қилишда биз бор эътиборимизни бир жойга жамлагандик. Иккинчи бўлим бошида гол ўтказиб юборганимиз яхши бўлмади. Умуман олганда жамоамиз жуда яхши ўйнади. Турнир жадвалида мухлисларимизни хурсанд қиладиган ўриндамиз. Мухлисларимиз ўйинимиздан қониқишлари учун барча ишни қиламиз.

- Боян Цигерни чап қанот ҳимоясида ўйнатдингиз. У бироз секин ҳаракатланди. Унинг ўйини ҳақида гапирсангиз...

- Умуман олганда, Цигер кўп қиррали ҳимоячи эмас. У чемпионат бошида ёмон ўйнамади. Бу мажбурий қарор эди. Цигер майдонга тушишидан олдин фақатгина бир марта машғулотларда қатнашди. Унинг соғлиғи билан муаммолари бор эди. Умуман олганда, профессионал футболчи қайси позицияда ўйнамасин, у мураббий талабларини бажариши керак. Цигер бугун буни уддалади. Уни алмаштирганимизга келсак, Цигерда сариқ карточка бор эди. Унда иккинчи сариқ карточкани олиш хавфи бўлгани учун Боянни алмаштирдик. 

- Сиз яқиндагина Диёржон Туропов билан шартнома туздингиз. Таркибда яна янги ўйинчилар пайдо бўладими?

- Диёржон Туропов масаласига келсак, Шахбоз Беғамов исмли инсон бу янгиликни бутун мамлакатга эълон қилиб юборди. Туропов билан расман шартнома имзолаймиз ва буни эълон қиламиз. Умуман олганда жамоадаги селекцион ишлар давом этмоқда.

- Марушич борасида "Торпедо" жамоаси билан музокаралар бўлаётганини клуб эълон қилганди. Шу масалага тўхталсангиз...

- "Торпедо" жамоаси Марушичга қизиқиб келаётганди. Жамоа спорт директори Марушични анчадан бери кузатиб бораётганди. У Грузияда ажойиб мавсум ўтказди. Бироқ, Марушичнинг шартномаси бор ва ҳозирда у "Навбаҳор" ўйинчиси.

Рейтинг: +20   

Комментарии

championat.asia
< посмотреть последние новости
Яндекс.Метрика