Самвел Бабаян: "Мухлислар олдида ҳам ўз шаънимизни тиклашимиз керак эди"

“Ушбу мусобақага тайёргарлик жараёнида йўлга қўйишга уринган ўйин услубимизни сифатли даражада намойиш этиб беришимиз лозим эди. Мухлислар олдида ҳам ўз шаънимизни тиклашимиз талаб қилинарди. Аввалги ўйинлардаги натижалар ўйинга мос бўлмагани, тасодиф ва ассосиз бўлгани исботлашимиз даркор эди”.

“Ушбу таркибдаги футболчилар тез орада миллий терма жамоа сафига киради. Айримлари аллақачон мамлакат бош жамоасида дебют қилиб улгурган. Яна баъзилари миллий терма жамоада асосий таркиб футболчилари саналишади”.

“Осиё чемпионатида айрим чизичқларимизда муаммолар билан ўйнашимизга тўғри келди. Нима бўлганда ҳам, ушбу таркибда иқтидорли футболчилар кўп ва улар яқин келажакда Ўзбекистон миллий терма жамоаси шарафини муносиб ҳимоя қилади, деб ҳисоблайман”, — дейди Самвел Бабаян.

Эслатиб ўтамиз, Ўзбекистон олимпия терма жамоаси U23 Осиё чемпионати гуруҳ босқичининг сўнгги учрашвида Яман устидан 3:1 ҳисобида ғалаба қозонишганига қарамай, аввалги икки учрашувда Жанбубий Корея (1:2) ҳамда Ироқ (2:3) U-23 терма жамоаларидан учралган мағлубиятлар сабаб мусобақани шу босқичда якунлашига тўғри келди.