Самвел Бабаян: "Машъал" "Пахтакор"нинг олий лигадаги энг ноқулай рақиби"

"Машъал" "Пахтакор"нинг олий лигадаги энг ноқулай рақиби ҳисобланади. Айниқса Хомяков келганидан кейин бу жамоа янада кучайган ва уларга қарши ўйнаш ҳам қизиқ. Бугун тажриба эвазига ютиб кетдик", - дейди Бабаян.

- Жамшид Искандеров қанчалик тузалиб кетди?
- Бугун озроқ ўйнади. Машғулотларда тўлиқ иштирок этяпти, менимча ўйинга киришиб кетиши қолди холос.

- Шерзод Каримовнинг жароҳати қанчалик жиддий?
- Бугун кўп қўполликлар бўлди, буни ўйин пайтида ҳамкасбим бошқа йўли қолмагани билан ҳам тушунтириб кетди. Биз эса шунга қарамай ўз ўйинимизни кўрсата олдик. Сўнгги иккита ўйинда бизга қарши жуда қўпол ўйин бўляпти. Лекин бундай ўйинларга ҳам тайерланяпмиз ва ғалаба қозоняпмиз.

- Бўлимлар орасида рақиб бош мураббийи билан тортишиб қолгандек бўлдингиз, ўша вазиятда нима бўлди?
Йўқ, ундай бўлмади. Бу мураббийни мен ҳурмат қиламан ва яхши муносабатдаман. Шунчаки ўйин пайти нима учун шогирдларинг қўпол ўйнаяти деб сўрадим, у эса бошқача ўйнай олмаяптиларда деб кулиб жавоб берди. Яна бир бор қайтараман, Хомяковнинг "Машъал"га фойдаси катта бўляпти.

- "Насаф" билан ўйин олдидан "Шўртан"га қарши кубок ўйини бор, таркибда ўзгаришлар бўладими?
- Бугун захирамиз бироз кенг бўлди, Махарадзе ва Жавоҳир терма жамоадан қайтишди, Искандеров эса жароҳатидан.