RU

Последние новости

02:00Месси фаолияти ҳақида: "Бунинг якуни яқинлашиб келмоқда"  0 01:45ЖЧ-2026 саралаши. Гаттузонинг дебютида Италиядан йирик, Франциядан ишончли ғалаба ва бошқа натижалар  0 01:19ОКМК назорат ўйинида Про-лига жамоасини икки марта мағлуб қила олмади  0 00:58Урмат Абдукаимов: "Ҳакамларнинг қарорлари футболчиларнинг фаолиятига катта таъсир ўтказади. Ҳакамлар ҳам шуни билиши ва ҳис қилиши керак"  5 00:47"Навбаҳор" ўртоқлик ўйинида "Нефтчи"ни мағлуб этди  4 00:23Лаутаро ЕЧЛ финалидаги мағлубият ҳақида: "5 кун гапира олмаганман"  0 23:45Лотар Маттеус: "Германия жуда ёмон ўйнади. Ҳисоб 5:0 бўлиб кетиши ҳам мумкин эди"  0 23:24Тимур Кападзе: "Жаҳон чемпионати учун аниқ режа? Барчаси ҳал бўлгунча кутиш керак"  18 22:55"Барселона" Ромеу клубдан кетганини маълум қилди  0 22:36"Реал" мухлислари жамоанинг август ойидаги энг яхши футболчисини танлаб олди  0 22:13ЛаЛига "Барселона"га рухсат берди  1 21:45CAFA Nations Cup. Ўзбекистон – Қирғиз Республикаси 4:0  23 21:26CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон  236 21:10Ўмон терма жамоаси мураббийи: "Кўплаб вазиятлар яратдик, аммо бор-йўғи иккита гол урдик"  11 20:54Ровшан Мередов: "Ушбу мусобақа орқали мундиаль иштирокчисига қарши ўйнадик"  5

Самода сочилган футболчилар ФОТО Новости

Самода сочилган футболчилар ФОТО

Бир неча ҳафта олдин Англиянинг афсонавий "Манчестер Юнайтед" жамоаси футболчилари самога сочилганига 60 йил тўлди.

2016 йили 28 ноябрь куни Бразилия осмонини қора булутлар қоплади. Шу куни бортида "Шапекоэнсе" жамоаси бўлган самолёт авиаҳалотга учради ва "Шапекоэнсе" футболчиларини бу дунёдан олиб кетди. Бундай аянчли воқеалар, ўтмишда кўплаб футбол мухлислари қалбига қайғу солган. Сайтимиз ўқувчиларига самода сочилган футбол жамоаларини эслатиб ўтамиз.  



"Торино" 

1949 йил 4 май


1949 йили Италия футболи бир қатор кучли футболчиларидан айрилди. "Торино" жамоаси Португалиядан уйга қайтаётган пайтда, Туринга яқин бўлган тоғён бағрида авиаҳалокатга учраган. Ушбу аянчли воқеада 18 нафар футболчи ҳалок бўлган. Бахтсиз воқеада вафот этганлар орасида расмий вакил, англиялик мураббий Лесли Ливси билан бирша спорт журналистлари ҳам бўлган. Ўша пайтда "Торино" кетма-кет 4 маротаба Италия чемпионлигини қўлга киритганди. Авиаҳалокатга учраган йили "Торино" ўзини тақиб қилиб келаётган жамоадан 4 очкога ўзиб кетиб турнир жадвалида пешқадамликни сақлаб қолган ва мусобақа ғолиби бўлган.




"Манчестер Юнайтед" 

1958 йил 6 февраль.


1958 йили 6 февраль куни Англиянинг "Манчестер Юнайтед" жамоаси Мюнхен аэропортида самодан ерга қулаб тушган. Ушбу авиаҳалокат натижасида самолётда бўлган 24 нафар инсон вафот этган. Шу жумладан, самолёт бортида Басби шогирдларидан саккиз нафар футболчи, уч нафар клуб ишчиси ва яна саккиз нафар журналист бўлган. "Манчестер Юнайтед" Европа кубоги чорак финал жавоб учрашувида Сербиянинг "Црвена Звезда" жамоасига қарши баҳсдан сўнг уйга қайтаётган эди. Ушбу баҳсда дуранг натижа қайд этилган ва Англия клуби Европа кубоги ярим финал йўлланмасини қўлга киритган. Ушбу авиаҳалокатда афсонавий дарвозабон Шимолий Ирландия терма жамоаси дарвозабони Гарри Грегг тирик қолган. Ярим йилдан сўнг, посбон жароҳатларидан фориғ бўлган ва яна "Манчестер Юнайтед" дарвозасини қўриқлаган.




Дания терма жамоаси

1960 йил 16 июль


Шу йили Даниянинг Амагер оролида жойлашган Эресунн шаҳрининг Каструп аэропортига самолёт қўниши вақтида авиаҳалокатга учраган. Авиаҳалотга учраган самолёт бортида Дания терма жамоаси ҳам бўлган. Ҳалокат вақтида саккиз нафар футболчи ҳалок бўлган. Ушбу футболчилар Римда футбол бўйича бўлиб ўтадиган Олимпиада турнирига тайёргарлик кўришаётганди. Шундай бўлсада, Дания футбол иттифоқи Олимпиадада иштирок этишдан бош тортмаган ва кумуш медал соҳиби бўлган.





"Грин Кросс"

1961 йил 3 апрель


1961 йили 3 апрель куни Чили чемпионати жанубий зонасининг биринчи дивизионида иштирок этувчи "Грин Кросс" жамоаси самога сочилган. "Грин Кросс" Осорио шаҳридан қайтаётганида тоғли ҳудудда Лас-Ластимасда авиаҳалокатга учраган ва самолёт бортида бўлган 24 нафар инсон ҳалок бўлган.





"Стронгест"

1969 йили 26 сентябрь


1969 йили 26 сентябрь куни Боливиянинг машҳур "Стронгест" жамоасининг 19 нафар футболчиси клуб раҳбарияти билан бирга авиаҳалокатда ҳалок бўлишган. Улар бортида бўлган самолёт Лас-Пас шаҳрига қайтаётганида Андахда ҳалокатга учраган.




"Пахтакор"

1979 йил 11 август


1979 йил 11 август кун ўзбек футболи тарихида қора ҳарфлар билан ёзиб қўйилди. Шу куни, ўзбек футболининг афсонавий "Пахтакор" жамоаси Украинанинг Днепродзержинск осмонида Ту-134А шу русумдаги 65735 рақамли бошқа бир самолёт билан тўқнашиб кетиб самога сочилган. Икки лайнернинг 8400 метр баландликдаги тўнашуви натижасида 178 нафар инсон ҳалок бўлди. Ҳар йили 11 август кунини афсуслар билан эслаймиз.




Замбия терма жамоаси

1993 йил 27 апрель


1993 йили 27 апрель санасида жаҳон чемпионати саралаш босқичида Сенегал терма жамоасига қарши баҳсни ўтказиш учун учиб кетаётган Замбия терма жамоаси авиаҳалокатга учраган. Лайнер бортида Замбия терма жамоасининг 18 футболчиси ҳалок бўлган. Лайнер Габон давлати дарёси қирғоғига қулаб тушган.




"Шапекоэнсе"

2016 йил 28 ноябрь



2016 йилнинг 28 ноябрь санасида Бразилиянинг "Шапекоэнсе" клуби авиаҳалокатга учраган эди. Ўшанда жамоа Жанубий Америка кубоги финалида "Атлетико Насьональ"га қарши учрашувда майдонга тушиш учун учиб кетаётган эди. Аммо, бортида Бразилия клуби футболчилари бўлган самолёт Колумбия ҳудудида қулаб тушган. Ўша фожеадан сўнг жамоанинг уч нафар футболчиси тирик қолган - ҳимоячи Рушел ва Нету, шунингдек дарвозабон Жаксон Фолман.


Жаҳонгир Сотволдиев тайёрлади

Рейтинг: +41   

Комментарии

championat.asia
< посмотреть последние новости
Яндекс.Метрика