Салоҳ учун А Сериядан топ-даъвогар пайдо бўлди

Хабарга кўра, "Ювентус" ёзги трансфер ойнасида "Ливерпуль" ҳужумчиси Муҳаммад Салоҳни сотиб олишга ҳаракат қилади.

"Бьянконери" Массимилиано Аллегри қўл остидаги ёмон мавсумдан сўнг ҳужум чизиғини кучайтирмоқчи. Бу нуқта учун номзодлардан бири – Муҳаммад Салоҳ.

Хабарингиз бор, Салоҳ ҳали "Ливерпуль" билан 2023 йилда тугайдиган шартномасини узайтиришга рози бўлмаган. Шу тариқа, "Ливерпуль" кейинги трансфер ойнасида ҳужумчи бир йилдан кейин текинга кетиб қолмаслиги учун уни сотишга уринади.

Муҳаммад жорий мавсумда АПЛда 32 та ўйинда майдонга тушиб, 22 та гол урди ва 13 та голга ассистентлик қилди.