Рюдигер “Челси”ни тарк этиши мумкин
22 сен 2020 01:23
Новости

Рюдигер “Челси”ни тарк этиши мумкин

Лондоннинг “Челси” клуби ҳимоячиси Антонио Рюдигер жамоасини алмаштириши мумкин, дея хабар бермоқда Sky Sports.

Нашр хабарига кўра, футболчи Германия терма жамоаси таркибидан жой олиш мақсадида мунтазам ўйин амалиётига эга бўлишни истаяпти. Жорий мавсумнинг дастлабки икки турида у “Челси”нинг “Брайтон” (3:1) ва “Ливерпул”га (0:2) қарши баҳсларида ўйин қайдномасидан ўрин олмади.

Рюдигер 2017 йилнинг ёзида Римнинг “Рома” клубидан “Челси”га кўчиб ўтганди. Футболчининг трансфери учун лондонликлар 35 миллион евро тўлашган. Ўтган мавсумда футболчи АПЛнинг 20 та учрашувида майдонга тушиб, иккита гол ва битта автогол қайд этди. Антонионинг клуб билан тузган шартномаси 2022 йилнинг ёзида ниҳоясига етади.

Ссылка :

Источник : Sky Sports

Получайте новости прямо в Telegram!

Рейтинг: +1