Рустам Азамов: “Бўлажак ўйинда ғалаба жуда зарур”
18 мар 2017 10:56
Новости

Рустам Азамов: “Бўлажак ўйинда ғалаба жуда зарур”

Олий лиганинг 3- турида Жиззахнинг “Сўғдиёна” жамоаси “Олмалиқ” клубини қабул қилади. Ушбу беллашувдан олдин “Сўғдиёна” ярим ҳимоячиси Рустам Азамовнинг фикрлари билан қизиқдик.

- Аввало жамоамизга хуш келибсиз. Жамоа билан ўз олдингизга қандай мақсадларни қўйдингиз.
- Жамоага қайтганимдан хурсандман. 2014 йилда ҳам ушбу клубнинг шарафини ҳимоя қилганман. Албатта,ҳозирги “Сўғдиёна” билан фарқ катта. 2014 йилда ҳам жамоа кучли эди. Ҳозир эса ундан ҳам кучли бўлганини англаш қийин эмас. Ўзгаришлар талайгина. Жамоа ўз олига жиддий мақсадлар қўйган. Имкон қадар юқори ўринларни эгаллаш. Ўз олдига жиддий мақсадларни қўйган жамоа билан бирга эканлигимдан хурсандман.

- Бўлажак ўйин ҳақида фикларингиз билан ўртоқлашсангиз.
- Жамоа билан бўлажак ўйинга жиддий ҳозирлик кўрдик. Албатта,жамоадаги муҳит ҳам жиддий. Ортга йўл йуқ. Биз фақат ғалаба қозонишимиз шарт. Дастлабки икки турдаги мағлубиятдан сўнг,бўлажак ўйинда ғалаба жуда зарур.

Дилдора Холбоева
“Сўғдиёна” матбуоти хизмати