Рустам Ашурматов: "Голли вазиятлардан унумли фойдаландик"
06 мар 2016 11:00
Новости

Рустам Ашурматов: "Голли вазиятлардан унумли фойдаландик"

"Бунёдкор" - "Нефтчи" (2:0) учрашувидан кейин мезбонлар ҳимоячиси Рустам Ашурматов ўз фикрларини билдирди.

"Худога шукур ғалаба қозондик. Ўйлаган режаларимиз амалга ошди. Голли вазиятлардан унумли фойдаландик ва ҳимояда яхши ўйнадик. Рақиб ҳам ёмон ўйнагани йўқ, шунчаки уларга ўйин бермасликка ҳаракат қилдик".

"Таркибдаги ўзгаришлар ўйинимизга ҳеч қандай таъсир кўрсатгани йўқ. Барча йигитлар билан машғулотларда бирга ишлаймиз, кўрган бўлсангиз ҳеч қандай тушунмовчилик бўлгани йўқ".

"Сариқ карточка олган вазиятга келсак, тўғриси тактик фол эди. Рақиб қарши ҳужумга ўтиб кетаётгани учун ҳужумни тўхтатиш учун шундай қилишга мажбур бўлдим. Лекин ҳакам ўша вазиятда карточка бермаса ҳам бўларди", - дейди Рустам Ашурматов.

Нарзулла Сайдуллаев