"Рубин" Виталий Денисов билан хайрлашди
11 янв 2020 15:17
Новости

"Рубин" Виталий Денисов билан хайрлашди

Ўзбекистон терма жамоаси собиқ ҳимоячиси Виталий Денисов эркин агентга айланди.

2019 йилнинг 20 июнидан бери "Рубин" футболчиси сифатида ҳисобланган ҳамюртимиз Татаристон клуби билан шартномани бекор қилди. Бу ҳақда "Рубин" расмий сайти эълон қилди.

"Рубин" ва 32 ёшли ҳимоячи Виталий Денисов иккала томоннинг келишувига кўра битимни бекор қилишди.

Денисов 2019 йилнинг июнида "Рубин" билан шартнома имзолаган эди. Футболчи бу вақт ичида Премьер-лиганинг 8та, Россия Кубогининг битта учрашувида майдонга тушди.

"Рубин" Виталий Денисовга клубда ўтказган вақти учун миннатдорчилик билдиради ва келажакдаги фаолиятига омад тилайди" - дейилади расмий баёнотда.

Ссылка :

Источник : Championat.asia

Получайте новости прямо в Telegram!

Рейтинг: +53