Рўзиқул Бердиев: “Тур рамзий терма жамоасидан ўрин олганимдан хурсандман”

Унга кўра, бош мураббий Рўзиқул Бердиев бўлди. “Насаф” устози бу борада ўз фикрларини билдириб ўтди.

- Менга йигитлар айтишди “СА” талқинига кўра, тур рамзий терма жамоасига киритилганимни. Лекин ҳозирча ўзим кириб ўқиб чиқмадим – дея гап бошлади Рўзиқул Саъдуллаевич. – Албатта бундай эътибордан хурсандман. Фурсатдан фойдаланиб сайт ижодкорларига миннатдорчилик билдираман.

- Рамзий терма жамоага киришимга жамоамнинг “Металлург” майдонидан ғалаба билан қайтгани сабаб бўлди. Очиғини айтаман, охирги пайтларда натижа учун ўйнаяпмиз. Шунинг учун ҳам эътибор берган бўлсангиз, иккинчи даврада 6та ўйин ўтказиб шундайн 5тасида ғалаба қозондик. Бекободдаги ўйин ҳам биз учун осон ўтмаслигини таҳмин қилгандик. Чунки бу жамоани охирги икки ўйиндан бери юта олмаётгандик.

- Мендан ташқари яна “Насаф”нинг икки ўйинчиси рамзий терма жамоага киритилгани қувонарли албатта. Ҳақиқатдан ҳам Ўткир Юсупов билан Артур Геворкян шу куни ўзидан яхши таассурот қолдирди. Дарвозабонимиз бир нечта вазиятларда ўзини кўрсатишга эришди ва шу тариқа ишончни оқлади. Геворкян ҳақида ортиқча таърифнинг хожати бўлмаса керак. “Металлург” билан ўйинда Артур катта ҳажмдаги ишни бажарди. Айниқса 10 киши бўлиб қолганимиздан сўнг Геворкян иккинчи голни уриб ғалабани мустаҳкамлади. Шундан сўнг бироз ҳотиржам тортдик.