Рўзиқул Бердиев: "Абдухолиқов дебют ўйинида ҳал қилувчи голни киритди"

“Оқ-тепа” жамоаси бежизга Ўзбекистон биринчилигида етакчи эмаслигини амалда кўрсатди. Улар бизга жиддий қаршилик кўрсатишди. Шунга қарамай жамоамиз улардан кучлироқ эканлигини кўриниб турди ва шунинг эвазига ғалаба қозондик. Бугунги ғалаба тўпимизни ўринбосарлар таркибида тўп тепадиган 18 ёшли ҳужумчимиз Бобир Абдуҳолиқов киритди. Ундан ташқари бугунги таркибда ўз футбол мактабимиз тарбияланувчилари ҳисобланган Дониёр Нарзуллаев, Шароф Муҳиддинов, Азиз Ғаниев сингари футболчилар майдонга чиқишди ва уларнинг кўрсатган ўйинлари мени қониқтирди. Умуман олганда, ёшларимиз кўрсатган ўйиндан кўнглим тўлди. Ёшларимизга ишонч билдириб, уларни асосий таркибга киритгандик. Якунда улар ўзларига билдирилган ишончни оқлашди. Бобир Абдухолиқов ўзининг дебют учрашувида "Насаф"нинг муҳим голини киритди ва бизга ғалабани тақдим этди", - дея Рўзиқул Бердиев ўзининг ўйин ҳақидаги фикрларини билдириб ўтди.