Россияда чемпионат бошланди. Кимларни кузатамиз?

Маълумки, премьер-лигада 16та жамоа иштирок этади ва кечаги кунда учта ўйин ўтказилди. 

Биз бу мавсумда ҳам Россия чемпионатини кузатиб борамиз, чунки тўрт нафар ҳамюртимиз ушбу турнирда фаолият олиб бормоқда. Хусусан, Виталий Денисов анчадан бери "Локомотив" Москва таркибида тўп суриб келмоқда. Вадим Афонин бу йил "Анжи" сафига бориб қўшилди, Вагиз Галиулин эса "Тосно" ярим ҳимоячиси ҳисобланади. 

Яна бир ҳужумчимиз Элдор Шомуродов куни кеча "Ростов" билан шартнома имзолаш мақсадида Россияга йўл олди. Лекин ҳозирча ростовликлар сайти Шомуродов борасида ҳеч нарса ёзишгани йўқ. 

Россияда биз кузатадиган футболчилар:  

"Анжи" - Вадим Афонин

"Локомотив" - Виталий Денисов

"Ростов" - Элдор Шомуродов 

"Тосно" - Вагиз Галиулин

Кечаги ўйинларда "Анжи" ўз майдонида ЦСКАга ютқазиб қўйди. Бунда Вадим Афонин тўлиқ ҳаракат қилди. Шунингдек, Вагиз Галиулин жамоаси ҳам мағлубиятга учради. "Тосно" - "Уфа" 0:1. Галиулин тўлиқ ўйнади. "Локомотив" эса 1-тур учрашувини ўз майдонида "Арсенал"га қарши 18 июль куни ўтказади.