Роналду адвокати: "Мессининг иши Роналдуникидан фарқ қилади"
14 июн 2017 10:31
Новости

Роналду адвокати: "Мессининг иши Роналдуникидан фарқ қилади"

Солиқ тўлашдан бўйин товлашда айбланаётган "Реал" ҳужумчиси Криштиану Роналдунинг адвокати Лобо Хавьернинг таъкидлашича, унинг мижози даромадларини яширмаган.

Шу билан бирга, Криштианунинг ишини "Барселона" форварди Лионель Месси билан солиштириб бўлмаслигини айтди.

"Даромадлар яширилмаган, улар қайд этилган ва у қайсидир мезонларга кўра Испания солиқ бошқарувига ёқмади. Бироқ ҳеч бир қонун ёки тартиб футболчи қонун бузганини кўрсата олмайди.

Солиқ кузатган Месси ва бошқа футболчиларнинг ишлари бу ишга ўхшамайди, чунки улар даромадни қайд этишмаган. Иш бошланишидан аввал Роналду қайд этиш керак деб билган даромад қисминигина қайд этган" - дейди Хавьер.

Португалия терма жамоаси футболчиси 2011-2014 йилларда 14,7 млн. евро миқдорида солиқ тўламасликда айбланмоқда. Матбуотнинг маълум қилишича, футболчи бу ишни 2010 йилда яратилган жамоат ташкилоти орқали бажарган.

Ссылка :

Источник : Cadena Ser

Получайте новости прямо в Telegram!

Рейтинг: +5