Роберто Манчини: “Уйда ўтиришдан зерикдим”

“Очиғини айтсам, уйда ўтиришдан зерикдим. Ҳақиқатни гапириш керак – 60 кундан буён ҳеч қаерга чиқмай, уйда қамалиб ўтиришни тасаввур қилиб ҳам бўлмасди. Аммо қўлимдан келганича ўзимни чалғитишга уринаяпман. Эрталаб машғулотдан кейин террассада тоза ҳавода ўтираман, агар об ҳаво яхши бўлса, албатта”, дея Манчинининг сўзларидан иқтибос келтирмоқда La Gazzetta dello Sport.

“Терма жамоа манфаатидан келиб чиқиб қарайдиган бўлсак, чемпионат баҳсларни давом эттирмасдан якунлаш – бу бизнинг “эгоистик” устунлигимиз. Кўп учрашувни қисқа вақт ичида ўтказиш футболчиларга оғирлик қилади ва етарлича дам олмаслик уларнинг жароҳат олишларини тезлаштириши мумкин. Аммо футболчилар майдонга қайтишни жудаям исташмоқда ва ўйлайманки тез орада бу иш амалга ошади”, дейди Манчини.