"Реал" ёзда дарвозабонини сотиши мумкин

Мадриднинг "Реал" жамоаси ёзда дарвозабон Андрей Лунинни сотиши мумкин, дея хабар берди "Don Diario".

Хабар қилинишича, жамоа Лунин билан келаси ёзда тугайдиган шартномани узайтира олмаса, шундай қарорга келади. Ҳозирда украиналик футболчи келишувни узайтириш борасида ҳали қарор қабул қилгани йўқ. Бундан ташқари, Тибо Куртуа жароҳатидан қайтгани учун у мураккаб вазиятга қолади. 

Андрей Лунин жорий мавсум "Реал" либосида 28 та ўйин ўтказиб, ўз дарвозасидан 25 та тўп олиб чиқди, 12 та учрашувда эса украиналик бирорта ҳам гол ўтказиб юбормади.