"Реал" "Вильярреал"дан норози
04 окт 2020 22:40
Новости

"Реал" "Вильярреал"дан норози

Мадриднинг "Реал" клуби ярим ҳимоячиси Такефуса Кубо мавсум аввалида "Вильярреал"га ижарага берилганидан хабарингиз бор.

"Қаймоқранглилар" "Вильярреал"нинг япониялик футболчига нисбатан муносабатидан мамнун эмас. Бу ҳақда Cadena Ser нашри маълум қилди.

Хавбек жорий мавсум 5 та ўйинни заҳирада бошлади ва умумий ҳисобда бир соатдан камроқ ўйнади. Бу ҳолат "Реал" мутасаддиларининг норозилигига сабаб бўлмоқда. Маълумот учун, "қироллик клуби"га ёзда Кубо борасида 25 дан ортиқ таклиф келган. Жумладан, "Милан", "Бавария" ва "Аякс"дан ҳам.

Ушбу таклифлардан бирини танлаш "Реал" учун иқтисодий жиҳатдан фойдалироқ бўларди, аммо мадридликлар "Вильярреал" япониялик ўйинчининг ўсиши учун энг қулай жой деб ҳисоблашган эди.

Испаниянинг амалдаги чемпиони ҳозирча бу масала бўйича жиддий чораларни кўриб чиқмаяпти (масалан, футболчини ижарадан қайтариш), аммо Кубонинг атрофидаги вазиятдан норози.

Ссылка :

Источник : Cadena Ser

Получайте новости прямо в Telegram!

Рейтинг: +11