"Реал" нимадан норози?

Ушбу мавсумда "Реал"нинг 13 сафар ўйинларидан фақатгина иккитаси маҳаллий вақт билан 21:00дан эрта бошланган. "Реал" сафар ўйинлари бошланиш вақтини эртароқ бўлишини истайди. 

Клубдагилар бу ҳолатни оммага расман олиб чиқишни ҳам режа қилишмоқда.

"Мадриддан ташқаридаги ўйинлардан уйга тунги 3дан эрта қайтмаймиз. Эртаси куни эрталабдан машғулот! Бундай кўп ўйинлар вақтида дам олишга вақт бўлмаяпти.

Барчаси чегарадан ошиб кетяпти, бунга мослашаётган бўлсак-да, бу нормал ҳолат эмас", - деди "Реал"дагилар As нашрига.