"Реал" Мбаппе бўйича таклифни оширади
26 авг 2021 12:06
Новости

"Реал" Мбаппе бўйича таклифни оширади

"Реал" ҳали ҳам ПСЖ ҳужумчиси Килиан Мбаппенинг харидига қизиқмоқда.

Кеча Париж клуби спорт директори Леонардо Франция терма жамоаси ўйинчисининг жамоадан кетмоқчи эканлигини хабар қилди.

"Реал" ПСЖнинг илк таклифига тезкор рад жавобига қарамасдан, Мбаппега қизиқишни йўқотмаган. Парижликлар ўйинчини 160 млн еврога қўйиб юборишга кўнишмади.

Мадрид клуби 22 ёшли француз бўйича таклифни кўтаради. Ўйинчининг амалдаги шартномаси 2022 йилнинг 30 июнига қадар мўлжалланган.

Эслатиб ўтамиз, Мбаппе ПСЖга 2017 йилда "Монако"дан ижара асосида ўтган, сўнгра клуб уни 145 миллион еврога харид қилган эди. Футболчи шу пайтгача парижликлар сафида 174та ўйинда майдонга тушиб, 133та гол ва 63та ассист қайд этди.

Ссылка :

Источник : RMC

Получайте новости прямо в Telegram!

Рейтинг: +4