"Реал Мадрид" Зидан билан хайрлашмоқчи

Таъкидлаш жоиз, сўнгги пайтларда "Реал" ишончли ўйин кўрсата олмаяпти ва жамоа кетма-кет учрашувларда очко йўқотмоқда. 

"Сабр косаси" тўлган раҳбарият Зиданга чиқиш эшикларини кўрсатиш тараддудини кўрмоқда. Бош мураббий лавозими эса Йоахим Лёвга топширилади. Клуб вакиллари германиялик мутахассис билан музокара олиб бормоқда.

Soy Madridista порталининг хабарига кўра, "Реал Мадрид" Германия терма жамоаси бош мураббийи Йоахим Лёв билан музокара олиб бормоқда. Клубдагилар Лев жамоа бошқарувини ЖЧ-2018дан кейиноқ қўлга олишини исташмоқда. Маълум қилинишича, Зинедин Зидан ўрнига Лёв келиши ҳал бўлган масала. Ҳамда, жамоанинг у ёки бу мусобақада ғолиб бўлиши, қарорни ўзгартира олмайди. 

Эслатиб ўтамиз, Йоахим Лёвнинг Германия Футбол Иттифоқи билан шартномаси 2020 йил ёзга қадар амал қилади.