"Реал" "Байер" ярим ҳимоячисига эътибор қаратмоқда

Испаниянинг "Реал" клуби Германиянинг "Байер" жамоаси ярим ҳимоячиси Флориан Вирцга эътибор қаратмоқда, деб хабар берди "El Nacional".

Маълумотларга кўра, "қаймоқранглилар" президенти Флорентино Перес Вирцни клубнинг келаси йил учун асосий трансфер мақсади деб белгилаган. Бироқ немис футболчисига "Бавария", Испаниянинг "Барселона"си ва Англиянинг "Манчестер Сити" клублари ҳам қизиқиш билдирмоқда.

Флориан Вирц ушбу мавсум "Байер" сафида 44 та ўйинда майдонга тушиб, 17 та гол урди ва 19 та голга ассистентлик қилди.