Расман: Зидан "Реал"га қайтди

"Қироллик клуби" расмий сайти клуб Зидан билан келишувга эришилгани ҳақида хабар берди. Мутахассис мадридликлар билан 2022 йилгача мўлжалланган шартнома имзолайди.

"Реал" раҳбарияти жамоанинг сўнгги натижаларидан қониқмаяпти ва Сантьго Соларининг ўрнига Зиданни қайтаришга қарор қилишди.

Эслатиб ўтамиз, Мадрид вақти билан 20:00 (Тошкент вақти билан 00:00)да, яъни тахминан бир ярим соатдан сўнг "Реал" президенти Флорентино Перес ва Зинедин Зидан "Сантьяго Бернабеу" анжуманлар залида ОАВ вакиллари билан учрашишади ва матбуот анжумани бўлиб ўтади.