Расман: ПСЖ Неймарни бугун таништиради
04 авг 2017 10:12
Новости

Расман: ПСЖ Неймарни бугун таништиради

Бутун ёз бўйи катта шов-шувларга сабаб бўлган трансфер ниҳоят амалга оширилди.

"Барселона" ҳужумчиси Неймар ПСЖга ўтди. Парижликлар Неймарнинг шартномасида кўрсатилган товон пули - 222 миллион еврони каталонияликларга ўтказиб беришди.

ПСЖ матбуот хизмати клуб Неймарни ОАВ вакиллари ва мухлисларга расман бугун таништиришини маълум қилди. Бразилиялик ҳужумчининг таништирув маросими Тошкент вақти билан 17:30да бошланади. Неймар Париж клубида 10-рақамда тўп тепади.

Эслатиб ўтамиз, Неймар шу тариқа 105 миллион евро эвазига "Ювентус"дан "Манчестер Юнайтед"га ўтган Поль Погбани ортда қолдирган ҳолда, футбол тарихидаги энг қиммат футболчига айланди.