Расман: "Пахтакор" Ўзбекистон терма жамоаси рекордчиси билан шартнома имзолади (ФОТО)
11 июл 2017 12:03
Новости

Расман: "Пахтакор" Ўзбекистон терма жамоаси рекордчиси билан шартнома имзолади (ФОТО)

"Пахтакор" клуби Ўзбекистон терма жамоаси дарвозабони Элдорбек Суюнов билан 2,5 йиллик шартнома тузди.

Элдорбек Суюнов "Пахтакор" билан матбуот анжуманида журналистлар қаршисида "шерлар" билан битимга имзо чекди. Келишув 2,5 йилга мўлжалланган.

"Пахтакор"нинг янги аъзоси Элдорбек Суюнов "шерлар" сафида ҳам одатдагидек 25-рақамда ўйнайдиган бўлди.

Эслатиб ўтамиз, Суюнов аввалги жамоаси "Насаф"да ҳам 25-рақамда ўйнаганди. Бу рақамда "Пахтакор"да аввал Одил Аҳмедов ҳаракат қилган.

Элдорбек Суюнов терма жамоамиз сафида энг узоқ "қуруқ" серия ўтказган дарвозабон саналади. Миржалол Қосимов қўл остида Ироққа қарши ўйинда Суюновнинг "қуруқ" серияси 475 дақиқадан ўтганди ва "Пахтакор"нинг янги кипери ўшанда Павел Бугалонинг 14 йиллик рекордини янгиланди.

Суюнов Ўзбекистон терма жамоаси сафида 11 ўйин ўтказган ва ўз дарвозасидан 4та гол қўйиб юборган.