Расман: "Навбаҳор" Ҳасанов ва Дукич истеъфосини эълон қилди
13 мар 2021 12:28
Новости
![](https://championat.asia/upload/storage/625110_original.jpg)
![](/upload/storage/625110_220.jpg)
Расман: "Навбаҳор" Ҳасанов ва Дукич истеъфосини эълон қилди
Breaking: Суперлигада илк истеъфо "Навбаҳор"да кузатилди
Аммо, хабарда Нўъмон Ҳасанов ҳақида ҳеч қандай гап кетмаганди. Ниҳоят, "лочинлар" матбуот хизмати бу ҳақда расмий хабар берди.
Унга кўра, Нўъмон Ҳасанов “Навбаҳор” бош мураббийлигидан истеъфога чиқарилди. Ҳасанов жамоада ўтган йилнинг августидан ёрдамчи мураббий сифатида иш бошлаб, Андрей Канчельскис истеъфога чиқарилганидан сўнг, Суперлиганинг 19-туридан бош мураббий лавозимида иш бошлаганди.
Нўъмон Ҳасановнинг қўл остида жамоа Coca Cola Суперлига баҳсларида 10та ўйин ўтказиб (2020 йилнинг 14-туридан ўрин олган “Пахтакор”га қарши кечган баҳсда ҳам жамоани майдонга Ҳасанов олиб тушганди), 3та учрашувда ғалаба қозониб, 4та ўйинда дурангга эришди ва 3та баҳсда имкониятни бой берди. Тўплар нисбати - 8:9. Шунингдек, Ўзбекистон кубоги баҳсларида Нўъмон Ҳасанов бошчилигида “Навбаҳор” 2та ўйин ўтказиб, 1та ғалаба ҳамда 1та мағлубиятни қайд этган ҳолда, чорак финалдан сўнг мусобақани тарк этганди.
Шунингдек, Нўъмон Ҳасанов билан биргаликда жамоа мураббийлар штабидаги сербиялик мутахассис Дражен Дукич ҳам истеъфога чиқарилди.
"Биз Нўъмон Ҳасанов ва Дражен Дукичга “Навбаҳор”даги фаолиятлари учун миннатдорчилик билдириб, кейинги фаолиятларида омад ёр бўлишини тилаймиз", - дейилади клуб матбуот хизмати берган хабарда.
Похожие новости
![AMP Logo](https://championat.asia/image/logo-amp.png)
Комментарии