Расман: Ботирали Эргашев "Қўқон-1912"га ўтди
18 янв 2020 12:27
Новости

Расман: Ботирали Эргашев "Қўқон-1912"га ўтди

Суперлига жамоалари янги мавсум олдидан таркибни шакллантиришда давом этмоқда.

"Динамо" клуби аъзоси ҳамда Ўзбекистон миллий терма жамоасига номзод дарвозабон Ботирали Эргашев 2020 йилги мавсумни Суперлигада ўтказадиган бўлди.

Ўтган мавсумнинг иккинчи даврасидан олдин Самарқанд жамоаси билан икки йиллик шартнома имзолаган Ботирали Эргашевга янги мавсум олдидан бир қатор клублардан таклиф тушди, музокаралардан кейин кипер "Динамо" клуби томонидан 1 йиллик ижара асосида "Қўқон-1912" жамоасига берилди. 23 ёшгача бўлган футболчилар ўртасида Осиё чемпиони ҳисобланган 24 ёшли дарвозабоннинг трансфер ҳуқуқи "Динамо" клубида қолади. Бу ҳақда Самарқанд клуби матбуот хизмати хабар берди.

Маълумот учун, Ботирали Эргашев 2019 йилги мавсумда "Динамо" сафида 22 ўйинда майдонга тушган бўлиб, ПФЛ ва "Sportstat" таҳлил-маркази маълумотига кўра, Суперлиганинг ўтган мавсумида энг кўп – 55 марта сейв амалга оширган дарвозабони бўлди.

Эслатиб ўтамиз, Ботирали Эргашев "Динамо" клуби матбуот хизмати томонидан 2019 йил якунида мухлислар ўртасида ўтказилган сўровнома якунларига кўра, "Динамо"нинг 2019 йилги мавсумдаги энг яхши футболчиси" деб топилганди.