Қозоғистон. Мурзоев ғалаба тўпи муаллифи, Гейнрих эса...

Одатдагидек ҳамюртларимиз иштирокидаги ўйинларга эътибор қаратамиз.

Чемпионлик учун курашаётган "Актобе" сафарда "Қайрат"га қарши майдонга тушиб ғалаба қозонди 1:0. Ягона голни 90-дақиқада Бадло майдон эгалари дарвозасига урди. Таъкидлаш лозимки, 23-дақиқада Александр Гейнрих пенальтидан фойдалана олмади ва ўйиндан сўнг ўз твиттерида бунинг учун узр сўрашга ҳам улгурди. Учрашувда Темур Кападзе тўлиқ ўйнади, Гейнрих эса 90+3-дақиқада алмаштирилди.
"Актобе" 36 очко билан мусобақа жадвалини бошқариб бормоқда.

ҚАЙРАТ - АКТОБЕ - 0:1 (0:0)
Гол: Бадло, 90 (0:1).

"Иртиш" ўз уйида "Шахтёр"ни қабул қилиб ғалаба қозонди - 2:1. Қувонарлиси жароҳатини даволаб майдонга қайтган Камолиддин Мурзоев гол уриб жамоасига ғалаба келтирди. Ҳамюртимиз 79-дақиқада захирадан майдонга тушиб 87-дақиқада гол урди. Бақоев учрашувни тўлиқ ўтказди.

"Иртиш" ҳисобидаги очколар 27тага етди, клуб учинчи ўринда бормоқда.  

ИРТИШ - ШАХТЕР - 2:1 (0:0)
Голлар: Жолшорин, 70 (0:1). Чичулин, 76 (1:1). Камолиддин Мурзоев, 87 (2:1).