RU

Последние новости

15:46Эрон чемпионати. "Зоб Оҳан" – "Фулад". Ўткир Юсупов бошланғич таркибда!  1 15:42"Барселона" Озарбайжонда академия ташкил қилади  0 15:17Футзал бўйича Ўзбекистон Кубогига қуръа ташланди: БМБ, "Оил Стар" ва СҚБ рақибларини билиб олди  0 15:08Пике 0:0 ҳисобидаги дуранг учун жамоаларга очко бермасликни таклиф қилди  10 14:40Футзал бўйича Ўзбекистон Кубоги ғолиб ва совриндорлари мукофот пулларига эга бўлади   0 14:27"Реал" собиқ футболчиси 48 ёшида ҳаётдан кўз юмди  2 14:00Breaking! Корея Республикаси ҳам 2031 йилги Осиё Кубогига мезбонлик қилмоқчи  7 13:36"Месси "Барселона"га қайтишига ишонаман"  3 13:09"Арсенал" ва "Барселона" "Эспаньол" дарвозабони билан шартнома имзоламоқчи  0 12:42Гвардиол, Бальде, Менди... FourFourTwo дунёнинг энг яхши чап қанот ҳимоячилари рейтингини тузди  7 12:16FourFourTwo дунёнинг энг яхши таянч ярим ҳимоячилари рейтингини эълон қилди  10 11:49​"Олимпик" собиқ футболчиси Қозоғистон клубига йўл олди  0 11:20"Бавария" спорт клуби аъзолари сони бўйича рекорд ўрнатди  1 10:48Жаҳоннинг энг яхши ҳужумчилар рейтинги тузилди (топ-10)  17 10:03ПСЖ «Бавария» етакчисини текинга қўлга киритиши мумкин  2

Қосимовда "Металлург" синдроми ёхуд бугунги рақиб "Пахтакор" Новости

Қосимовда "Металлург" синдроми ёхуд бугунги рақиб "Пахтакор"

ОКМК ўтган турда мухлисларининг онасидан қолган тош ойнасини қидиришига мажбурлади (0:2).

Умуман гоҳида ҳаётимизда шундай пайтлар бўладики, битта нарса ҳар йили такрорланаётгандек? Футболда ҳам шундай. ОКМКнинг "Металлург"га ютқазиши Олмалиқ аҳли учун "сўғур" кунидек гап. Нима учундир айнан шу жамоага келганда "кончилар"нинг ғилдираклари ишламай қолади. Юриб турган машина ярим йўлда тўхтаб қолиши сингари. Хўш, Қосимовдаги "Металлург" синдроми қачон бошланган? 

2019 йил

Миржалол Қосимов илк бор ОКМК бошқарувини қўлга олди. Бу даврда эса Андрей Шипилов "Металлург"ни бир йилдан бери бошқариб келаётган, барқарорликни яхши йўлга қўйганди. Биринчи даврада Олмалиқда 1:1, Бекободда мезбонларнинг 2:1 ҳисобидаги ғалабаси қайд этилган. Қизиқарли томони шуки, Шипилов Қосимовдан 1 ой ичида икки маротаба очко тортиб олганди. 

2020 йил 

Синдром давом этди. Яна ўша ҳолат, эски ҳаммом, эски тос. Олмалиқда 1:1, Бекободда "Металлург"нинг кичик ғалабаси (1:0). Андрей Шипилов иккинчи йил ҳам Қосимовга бўша келгани йўқ.

2021 йил

"Металлург"да мураббийлар ўзгариши, Шипиловнинг биринчи турдан кейиноқ истеъфога чиқарилиши ва Жасур Абдураимовнинг келиши дербидаги натижани ўзгартирди. 4 йил ичида фақат Абдураимовгина Қосимовни ютишни уддасидан чиқа олгани йўқ. 

2022 йил 

Энди навбат испаниялик Луисма Эрнандесга келганди. Ўтган мавсумнинг илк ўйинида ҳам, иккинчи давра стартида ҳам "Металлург" унинг қўл остида ОКМКга мағлуб бўлмади (1:0).  

2023 йил 

"Металлург"да мураббий ўзгарди. Мавсум муваффақиятсиз бошланди. Аввалги турда "Навбаҳор"ни ютган олмалиқликлар , жамоага келганига кўп бўлмаган Веско Стешевич бошчилигидаги "Металлург"га яна мағлуб бўлди. Статистика шуни кўрсатмоқдаки, ОКМК 4 йил ичида Тошкент вилояти дербисида рақибига 16 очкони совға қилиб юборди, ўзи 8 очко жамғарди. 


ФАКТ. ОКМК жамоаси "Металлург"га қарши кетма-кет учинчи учрашувда майдонни бир киши кам бўлиб тарк этди. Сардор Раҳмонов, Шоҳруҳ Гадоевнинг ишини Санжар Турсунов давом эттирди


"Маъданчилар" ноқулайлик бобида "Пахтакор"дан қолишмайди. Ҳа, айтганча ОКМК ва Миржалол Қосимовнинг бугунги рақиби "шерлар".  

Олмалиқликлар чемпионат доирасида 11та ўйиндан бери "Пахтакор"ни мағлубиятга учрата олмаяпти. Сўнгги маротаба 2017 йилнинг 15 июнь санасида ОКМК пойтахт клубидан устун келган (2:1). Эътиборлиси, ўшанда "Пахтакор"ни Жасур Абдураимов бошлаб тушганди. 

ОКМК охирги 5та учрашувда 15та гол ўтказиб юбориб, рақиб дарвозасини ишғол қила олмаган. Сўнгги бор 2020 йилги мавсумда  "шерлар" посбонини ранжитганини айтиш жоиз. Жамоа Миржалол Қосимов даврида 4 йил ичида фақат 2 маротаба дуранг ўйнади, холос. Демак докторлар тили билан айтганда ташхис икки жамоа синдроми! Биринчиси нисбатан енгил, лекин иккинчиси анча оғирроқ. Бироқ ҳар нарсанинг бир кун якуни бўлиши керак. 

Автор : Iskandarov Abdulaziz
Рейтинг: -13   

Комментарии

championat.asia
< посмотреть последние новости
Яндекс.Метрика