“Қўқон-1912” мавсум тайёргарликни давом эттирмоқда ва таркибда ўзгаришлар бор

Бахтиёр Ашурматов шогирдлари бугун Қўқон шаҳрида тўпланиб, навбатдаги ўқув-йиғин машғулотларини бошлаб юборишди. Бугунги машғулотлар Учкўприкдаги марказий стадионда бўлиб ўтди. Таркиб борасида ҳам баъзи янгиликлар бор. 

Жамоанинг Тошкентдаги йиғинида иштирок этган Владимир Козак жамоа лагерини тарк этган. Жамоанинг сербиялик легионер футболчиси Иван Йосович бугундан машғулотларга қўшилди. Жамоа мухлисларига яхши таниш бўлган футболчи Жамшид Хасанов бу йилги мавсумни Қўқонда ўтказиш учун "шунқорлар"  йиғинига келиб қўшилди. Хасанов ўтган мавсумни Навоийнинг "Қизилқум" жамоасида ўтказган эди.

"Қўқон-1912" жамоаси эртага Фарғона шаҳрида бўлиб ўтаётган "Хоким кубоги-2022" мусобақасидаги иштирокини бошлайди. Жамоа Қиргулидаги "Нефтчи СК" стадионида Ошнинг "Олой" жамоаси билан куч синашади. Бу учрашув эртага, 26 январ куни, соат 14:00да бошланади.

Қуйида "шунқорлар"нинг бугунги машғулотларидан олинган суратларни томоша қилинг: