"Қўқон-1912": Болажонларга президент совғалари топширилди
30 дек 2017 20:41
Новости

"Қўқон-1912": Болажонларга президент совғалари топширилди

Теги : Қўқон-1912

Қўқон шаҳридаги 51-сонли мактабгача таълим муассасасида, “Қўқон-1912” футбол клуби қошидаги “Жажжи шунқорлар” футбол гуруҳлари ташкил этилган.

Куни кеча таълим масканига болажонларга аталган “Президент совғаси” етиб келди.

51-сонли таълим муассасасида янги йилга бағишланган байрам тадбири уюштирилди. Тадбирда ота-оналар, маҳалла фаоллари ҳамда “Қўқон-1912” жамоасининг мураббий ва футболчилари иштирок этишди. Давлатимиз раҳбарининг болажонларга аталган совғаси барча болажонлар ва уларнинг мураббийларини хурсанд қилиб юборди.

Совғаларни болаларга ўзлари севган футболчилари топширишлари эса уларнинг хурсандчиликларини икки ҳисса оширди. Тадбирда иштирок этган жамоамиз катта мураббийи Азиз Тўхтабоев ҳамда футболчилар Жалил Кимсанов, Собир Ҳамидовлар болажонларни янги йил билан қутлаб, улардан келажакда ватанимиз равнақига ҳисса қўшадиган буюк инсонлар етишиб чиқишига умид билдирдилар.

Байрам болажонларнинг шўх-шодон рақслари ва қўшиқлари билан янада файзли ўтди.