"Қизилқум": Эркин Жабборов машғулотларга қўшилди
14 окт 2014 10:44
Новости
"Қизилқум": Эркин Жабборов машғулотларга қўшилди
Хабарингиз бор, миллий чемпионатимизда маълум муддат танаффус юзага келганди. Қисқа таътилдан сўнг, "Қизилқум" жамоаси аъзолари 11 октябрдан яна ўз қароргоҳларида йиғилдилар.
Айни чоғда бош мураббий Юрий Лукин қўл остида футболчилар Навоийдаги "Сўғдиёна" стадиони ва "Ёшлар" спорт мажмуаси яшил майдонларида машғулотларни давом эттиришяпти.
Маълумки, ҳозирда Дубайда миллий терма жамоамиз навбатдаги ўқув машғулот йиғинини ўтказмоқда. Ҳужумчимиз Наврўзбек Алимов мазкур йиғинда иштирок этаётган бўлса, ёш ва умидли дарвозабонимиз Дилшод Ҳамроев эса Мьянмада ёшлар ўртасида давом этаётган Осиё чемпионатида юртимиз шарафини ҳимоя қилмоқда.
Қувонарлиси, деярли бутун мавсумни жароҳатини даволаш билан ўтказган моҳир дарвозабон Эркин Жабборов яна жамоанинг умумий машғулотларига қўшилди.
— Жароҳат — футболчининг асосий душмани саналади, — дейди Эркин Жабборов. — Бу йилги чемпионатда атиги бир ўйинда майдонга тушдим. Биринчи даврада жамоамизнинг Фарғонада "Нефтчи"га қарши ўтказган учрашувидан сўнг, оёғимдаги жароҳат қайта безовта қилди. Натижада Москвада жарроҳлик столига ётишга мажбур бўлдим. Футболчи учун ўз жамоаси ўйинларини майдон ташқарисида туриб кузатиш жуда оғир. Шукрки, ҳаммаси ортда қолди. Ҳозирги ҳолатим ёмон эмас. Шифокорлар умумий машғулотларга қўшилишимга рухсат беришганидан хурсандман. Мураббийлар имкон беришса, қолган учрашувларда ўз жамоамга албатта ёрдам беришга ҳаракат қиламан.
Эслатиб ўтамиз, "Қизилқум" футболчилари йигирма учинчи турда Наманганда "Навбаҳор" жамоаси меҳмони бўлади. Учрашув 17 октябрь куни соат 17.00 да бошланади.
Маълумки, ҳозирда Дубайда миллий терма жамоамиз навбатдаги ўқув машғулот йиғинини ўтказмоқда. Ҳужумчимиз Наврўзбек Алимов мазкур йиғинда иштирок этаётган бўлса, ёш ва умидли дарвозабонимиз Дилшод Ҳамроев эса Мьянмада ёшлар ўртасида давом этаётган Осиё чемпионатида юртимиз шарафини ҳимоя қилмоқда.
Қувонарлиси, деярли бутун мавсумни жароҳатини даволаш билан ўтказган моҳир дарвозабон Эркин Жабборов яна жамоанинг умумий машғулотларига қўшилди.
— Жароҳат — футболчининг асосий душмани саналади, — дейди Эркин Жабборов. — Бу йилги чемпионатда атиги бир ўйинда майдонга тушдим. Биринчи даврада жамоамизнинг Фарғонада "Нефтчи"га қарши ўтказган учрашувидан сўнг, оёғимдаги жароҳат қайта безовта қилди. Натижада Москвада жарроҳлик столига ётишга мажбур бўлдим. Футболчи учун ўз жамоаси ўйинларини майдон ташқарисида туриб кузатиш жуда оғир. Шукрки, ҳаммаси ортда қолди. Ҳозирги ҳолатим ёмон эмас. Шифокорлар умумий машғулотларга қўшилишимга рухсат беришганидан хурсандман. Мураббийлар имкон беришса, қолган учрашувларда ўз жамоамга албатта ёрдам беришга ҳаракат қиламан.
Эслатиб ўтамиз, "Қизилқум" футболчилари йигирма учинчи турда Наманганда "Навбаҳор" жамоаси меҳмони бўлади. Учрашув 17 октябрь куни соат 17.00 да бошланади.
championat.asia
ЕЧЛ. Мбаппе хет-трик қилган кечада "Реал" "Манчестер Сити"га имкон қолдирмади, Ҳусанов тўлиқ ўйнади
U-20 Осиё кубоги. Ўзбекистон Эронга мағлуб бўлди ва гуруҳда иккинчи ўринни эгаллади
ЕЧЛ 1/8 финал босқичига қуръа ташланди: "Реал" "Атлетико" билан, "Ливерпуль" ПСЖ билан ўйнайди!
Беллингемга қизил берган ҳакам беш йилгача футболдан четлатилиши мумкин
Комментарии