"Қизил иблислар"нинг икки ҳужумчиси Манчестер дербисини ўтказиб юбориши мумкин
29 сен 2022 19:50
Новости
"Қизил иблислар"нинг икки ҳужумчиси Манчестер дербисини ўтказиб юбориши мумкин
"Манчестер Юнайтед" ҳужумчилари Маркус Рэшфорд ва Антони Марсьяль 2 октябрь куни "Манчестер Сити"га қарши АПЛнинг 9-тур учрашувини жароҳатлари сабабли ўтказиб юбориши мумкин.
Манбанинг хабарига кўра, жорий ҳафтада иккала футболчи ҳам жароҳатлари сабаб манкунианликларнинг умумий гуруҳида машғулот ўтказмаган, шу боис уларнинг бўлажак ўйиндаги иштироки сўроқ остида қолмоқда.
Олдинроқ "Манчестер Сити"га қарши ўйинни "қизил иблислар" ҳимоячиси Харри Магуайр ҳам ўтказиб юбориши ҳақида хабарлар тарқалганди.
24 ёшли Рэшфорд жорий мавсумда “Манчестер Юнайтед” сафида 6 та ўйинда майдонга тушиб, 3 та гол урди ва 2 та голли узатмани амалга оширди. 26 ёшли Марсьяль ҳисобида эса бир учрашувда бир голли узатма мавжуд.
Эслатиб ўтамиз, "Манчестер Сити" - "Манчестер Юнайтед" ўйини 2 октябрь куни бўлиб ўтади. Учрашув Тошкент вақти билан соат 18:00 да бошланади.
Похожие новости
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Криштиану Роналду фаолиятида илк бор Португалия термаси сафида қизил карточка олди
Комментарии