Превью. "Сўғдиёна" - "Бунёдкор"

«СЎҒДИЁНА» – «БУНЁДКОР»
1 июнь. Зомин. "Зомин" стадиони. 17:00
Ҳакамлар: Б.Намозов, Х.Мирзааҳмедов, А.Снетков, А.Эргашев
Назоратчи: А.Ҳотамов.

“Сўғдиёна” ва “Бунёдкор” олий лигада 8 бора тўқнаш келишган. Натижалар пойтахт жамоасининг мутлоқ устунлигини кўрсатмоқда.

“Бунёдкор” 8та ўйиндан 8тасини ютган. Тушунарлики “Сўғдиёна” бу рақиб билан дуранг ўйнамаган ва ғалаба қозона олмаган. “Бунёдкор” ўйинларда 29 та гол киритган, жиззахликлар 1 бора “қалдирғочлар” дарвозасини ишғол этишган. “Бунёдкор” ўзаро ўйинларда 24 очкони ўз ҳисобига ёзиб қўйган бўлса, “Сўғдиёна”да бу кўрсаткич 0 ни ташкил этади. “Бунёдкор”нинг ўзаро ўйинлардаги энг йирик ғалабаси 6:1.

Ўтган йил биринчи турда Тошкентда ўтган баҳсда мезбонлар 5:0 ҳисобида зафар қучишган. Олександр Пишур учта тўп киритган, Лутфулла Тўраев ва Камолиддин Мурзоев бир мартадан гол уришган. Жавоб баҳсида Пишур ва Сардор Рашидов “Сўғдиёна” дарвозасини ишғол қилишган – 0:2.

“Сўғдиёна” майдонида ўтган сўнгги тўрт учрашув:
08.11.2013 «Сўғдиёна» - «Бунёдкор» 0:2
15.06.2011 «Сўғдиёна» - «Бунёдкор» 1:6
04.08.2009 «Сўғдиёна» - «Бунёдкор» 0:3
30.06.2008 «Сўғдиёна» - «Бунёдкор» 0:5

Ўзаро ўйинлар ҳақида факт: “Сўғдиёна” бу рақиб дарвозасига урилган ягона голни ўз майдонида урган. Ўша тўпни 2011 йилги мавсумда Артурос Фоменко киритганди. “Қалдирғочлар” сафардаги тўртта ўйинда ҳам ғалабага эришишган. “Бунёдкор”нинг сафардаги голлари сони 16та.