Превью. "Шўртан" - "Сўғдиёна"

«Шўртан» (Ғузор) – «Сўғдиёна» (Жиззах)  
7 май 2016. Ғузор. "Ғузор" стадиони. 18:00
Ҳакамлар: В. Цейтлин (Тошкент), М. Саидқосимов (Тошкент), А. Усмонов (Тошкент), И. Худойдотов (Тошкент)
Назоратчи: И. Шарипов (Бухоро).

“Шўртан” ҳамда “Сўғдиёна” клублари олий лигада шу кунгача 14 бор куч синашишган. Натижалар Ғузор клубининг устунлигини кўрсатмоқда. Бу жамоа 7та ўйинда ютган, 5та учрашувда “Сўғдиёна” ғолиб бўлган, 2та ўйинда дуранг натижа қайд этилган. Тўплар нисбатида кичик устунлик воҳаликлар томонида: 19:15. “Шўртан” 23 очко, “Сўғдиёна” 17 очкони қўлга киритган. “Шўртан”нинг ўзаро энг йирик ғалабаси 3:0, “Сўғдиёна”да эса бу кўрсаткич – 3:1га тенг.

Ўтган мавсумда  Ғузорда ўтган учрашувда мезбонлар йирик ғалабага эришишган. Ғуломҳайдар Ғуломов, Элдор Бойматов ва Игорь Таран “Сўғдиёна” дарвозасига тўп киритишган – 3:0. Жиззада Зафар Полвоновнинг дубли “Шўртан”га ғалаба келтирган – 2:0.

Ғузорда ўтган барча учрашувлар:
22.03.2015  «Шўртан» - «Сўғдиёна» 3:0
30.03.2013  «Шўртан» - «Сўғдиёна» 1:0
20.06.2011  «Шўртан» - «Сўғдиёна» 3:2
04.04.2009  «Шўртан» - «Сўғдиёна» 2:1
04.04.2008  «Шўртан» - «Сўғдиёна» 0:2

Ўзаро ўйинлар ҳақида факт: Ғузордаги 7та ўйиндан 5тасида “Шўртан”, 2тасида “Сўғдиёна” ғалаба қозонган. Яъни, Ғузорда бу жамоалар ҳозиргача умуман дуранг ўйнашмаган. Охирги тўртта ўйинда “Шўртан” ўз майдонида фақат ғалаба қозонган.