Превью. "Қўқон-1912" - "Локомотив"
30 мая 2016 09:00
Новости

Превью. "Қўқон-1912" - "Локомотив"

Теги : Локомотив Қўқон-1912

Олий лиганинг 10-туридан ўрин олган энг сўнгги учрашув "Қўқон-1912" ва "Локомотив" ўртасида бўлиб ўтади.

«Қўқон-1912» (Қўқон) – «Локомотив» (Тошкент)
30 май 2016. Қўқон. "Марказий" стадион. 17:30
Ҳакамлар: Ш. Қосимов (Тошкент), Н. Рўзимов (Тошкент), О. Жумаев (Навоий), Д. Акмалов (Тошкент)
Назоратчи: О. Дачев (Тошкент).
ЎзПФЛ вакили: Г. Ртвеладзе.

“Қўқон-1912” ва “Локомотив” клублари олий лигада фақат икки бор тўқнаш келишган. Иккала баҳс ҳам 2015 йилда бўлиб ўтган. Тошкентда кечган учрашувда Темурхўжа Абдухолиқов томонидан урилган гол “темирйўлчилар”га ғалаба келтирган – 1:0. Қўқондаги учрашувда меҳмонлар Темур Кападзе ва Санжар Шоаҳмедов томонидан урилган голла эвазига олдинга чиқиб олишганди. Бунга баҳс охирида Отабек Ҳайдаров иккита голи билан жавоб берганди – 2:2.

“Қўқон-1912” бу мавсумда 9та учрашувнинг 2тасида ғолиб бўлди ва 7 марта имкониятни бой бериб қўйди. 4та гол уриб ўз дарвозасидан 19та гол олиб чиқди. Олти очко тўплаган қўқонликлар мусобақа жадвалининг 14-поғонасида боришмоқда.

“Локомотив” 8та ғалаба ва 1та дуранг қайд этиб 25 очко билан чемпионатда “Бунёдкор” билан бирга пешқадамлик қилмоқда. “Темирйўлчилар” 23та тўп киритиб 5та гол ўтказиб юборишган.

Ссылка :

Источник : championat.asia

Получайте новости прямо в Telegram!

Рейтинг: +3